काठमाडौँ । इंग्लिस प्रिमियर लिग फुटबलमा शीर्षस्थानमा उक्लिने अवसर रहेको आर्सनलले घरेलु मैदानमै हार बेहोरेको छ ।
गएराति भएको खेलमा आर्सनले एस्टन भिल्लासँग २-० गोलले पराजित भएको हो । उपाधि होडमा रहेको आर्सनलले यो हारसँगै आगामी खेलहरुमा दबाब बढेको छ ।
एस्टन भिल्लालाई जित दिलाउन लेओन बेलीले ८४ औं तथा ओली वाट्कीन्सले ८७ औं मिनेटमा गोल गरे ।
यो नतिजासँगै आर्सनल ३२ खेलबाट ७१ अंकका साथ दोस्रो स्थानमा छ । समान खेल खेलेको म्यान्चेस्टर सिटी ७३ अंकका साथ शीर्षस्थानमा रहँदा लिभरपुल ७१ अंकका साथ तेस्रो स्थानमा छ ।
यी तीन वटै टोलीले अब ६-६ खेलहरु खेल्न बाँकी छ ।
