काठमाडौं । एसीसी प्रिमियर कप क्रिकेटको तेस्रो स्थानका लागि आज नेपालले हङकङसँग प्रतिस्पर्धा गर्दैछ ।
यो खेल ओमानको अल अमिरातमा दिउँसो सवा ४ बजे शुरु हुनेछ । प्रिमियर कपमा तेस्रो हुने टोलीले इमर्जिङ टिम्स एसिया कप खेल्नेछ ।
इमर्जिङ टिम्स एसिया कपमा भारत, पाकिस्तान, बङ्गलादेश, श्रीलङ्का र अफगानिस्तानको ‘ए’ टोली रहनेछन् ।
हिजो शुक्रबार भएको पहिलो सेमिफाइनलमा नेपाल यूएईसँग ६ विकेटले पराजित हुन पुगेको थियो । त्यस्तै हिजो नै भएको दोस्रो सेमिफाइनलमा ओमानले हङकङलाई ५ विकेटले हरायो ।
उपाधिका लागि भोलि यूएई र ओमानबीच प्रतिस्पर्धा हुनेछ । यो प्रतियोगिताको विजेता टोलीले एशिया कप खेल्न पाउनेछ ।
