काठमाडौँ । इंग्लिस प्रिमियर लिग फुटबलमा म्यान्चेस्टर सिटीले सहज जित निकालेको छ । गएराति भएको खेलमा सिटीले ब्राइटनलाई उसकै घरेलु मैदानमा ४–० गोलले हरायो ।
सिटीलाई सहज जित दिलाउन फिल फोडेनले २ तथा केभिन डी ब्रुएना र युलियन अल्भारेजले १–१ गोल गरे ।
सिटीले १७ औं मिनेटमा डि ब्रुएनाको गोलबाट अग्रता लिएको थियो । त्यसपछि २६ औं र ३४ औं मिनेटमा फोडेनले गोल गर्दै पहिलो हाफमै सिटीलाई ३–० को अग्रता दिलाए ।
यता, ६२ औं मिनेटमा अल्भारेजले गोल गर्दै सिटीलाई ४–० गोलको जित दिलाए । जितसँगै सिटी ३३ खेलबाट ७६ अंकका साथ तालिकाको दोस्रो स्थानमा छ ।
एक–एक खेल बढी खेलको आर्सनल ७७ अंकसहित शीर्षस्थानमा रहँदा लिभरपुल ७४ अंकसहित तेस्रो स्थानमा रहेको छ ।
