एजेन्सी । आईपीएल–२०२४ को ४२औं खेलमा आज कोलकाता नाइट राइडर्स (केकेआर) ले पञ्जाब किंग्स (पीबीकेएस)सँग खेल्दैछ । कोलकाताको इडेन गार्डेन स्टेडियममा हुनलागेको खेल नेपाली समयअनुसार बेलुकाको ७:४५ बजेबाट सुरु हुनेछ ।
कोलकाता र पञ्जाब यस सिजनमा पहिलो पटक आमनेसामने हुँदैछन्।
आज कोलकाता सिजनको आठौं खेल खेल्दैछ । ७ खेलमा ५ जित र २ हारसँगै १० अंक जोडेको टोली अंक तालिकाको दोस्रो स्थानमा छ । अर्कोतर्फ, पञ्जाबले आफ्नो नवौं खेल खेल्दैछ। टोलीले ८ खेलमध्ये २ मा मात्रै जित हासिल गरेको छ भने ६ खेलमा हार बेहोरेको छ ।
हेड टु हेडमा कोलकाताको अग्रता
कोलकाताले पञ्जाबलाई हेड टु हेडमा हावी गरेको छ । यी दुई टोलीबीच हालसम्म कूल ३२ आईपीएल खेल भएका छन् । कोलकाताले २१ र पञ्जाबले ११ खेल जितेको छ ।
कोलकाताका लागि नारायण सर्वाधिक रन स्कोरर
कोलकाताले सिजनका सात खेलमध्ये पाँच खेल जितेको छ। टीमले हैदरावाद, दिल्ली, लखनउ र बैंगलोरलाई दुई खेलमा पराजित गरेको थियो। टोलीले चेन्नई र राजस्थानसँग गरि २ खेल हारेको छ ।
टोलीका लागि सुनिल नारायणले सर्वाधिक रन बनाएका छन् । उनले ७ खेलमा २८६ रन बनाएका छन् । बलिङमा आन्द्रे रसेल शीर्ष स्थानमा छन् ।
पञ्जाबका शशांक सिंह सर्वाधिक रन स्कोरर
पञ्जाबले यो सिजनमा ६ खेलमा हार बेहोरेको छ । पञ्जाबले बेंगलुरु, लखनऊ, हैदरावाद, राजस्थान, मुम्बई र गुजरातसँग हार बेहोरेको छ। टोलीले दिल्ली र गुजरातसँग जितेको छ ।
पञ्जाबका शशांक सिंहले सर्वाधिक रन बनाएका छन् । उनले ८ खेलमा १९५ रन बनाएका छन् । हर्षल पटेल टोलीका सर्वाधिक विकेट लिने खेलाडी हुन् ।
कोलकाता नाइट राइडर्सको सम्भावित प्लेईङ ११:
श्रेयस अय्यर (कप्तान), फिल साल्ट (विकेटकीपर), सुनील नारायण, भेंकटेश अय्यर, अङ्क्रिश रघुवंशी, रिंकु सिंह, आन्द्रे रसेल, रमनदीप सिंह, मिचेल स्टार्क, वरुण चक्रवर्ती र हर्षित राणा।
ईम्प्याक्ट प्लेयर: सुयश शर्मा।
पञ्जाब किंग्सको सम्भावित प्लेईङ ११:
साम कुरान (कप्तान), प्रभसिमरन सिंह, रिले रुसो, जितेश शर्मा (विकेटकिपर), लियाम लिभिङ्स्टन, शशांक सिंह, आशुतोष शर्मा, हरप्रीत ब्रार, हर्षल पटेल, कागिसो रबाडा र अर्शदीप सिंह।
ईम्प्याक्ट प्लेयर: राहुल चाहर।
