काठमाडौं । सुन तस्करी प्रकरणमा हिरासतमा रहेका चिनियाँ मुलका बेल्जिम नागरिक दावा छिरिङको लगानी रहेको होटेल भियनामा सीआईबीले छापा मारेको छ ।
हुण्डी कारोबार भएको आशंकामा सीआईबीले होटेल भियनामा छापा मारेको बताइएको छ । यसअघि पनि प्रहरी र राजश्व अनुसन्धान विभागले उक्त होटलमा छुट्टाछुट्टै छापा मार्दै आएका थिए ।
दावा हाल सुन तस्करी प्रकरणमा पुर्पक्षमा थुनामा रहेका छन् । दावाकी श्रीमती अमला रोकाको नाममा उक्त होटल दर्ता रहेको छ ।
६० किलो सुन तस्करी प्रकरणमा प्रहरीले रोल्पाकी रोकासहितका व्यक्तिलाई प्रतिवादी बनाउँदै मुद्दा दर्ता गरेको छ । फरार रहेकी रोकाविरुद्ध इन्टरपोलमार्फत डिफ्युजन नोटिस समेत जारी भएको छ ।
