काठमाडौँ । गृहमन्त्री रवि लामिछानेले प्रमुख प्रतिपक्ष नेपाली कांग्रेस र सो पार्टीका महामन्त्री गगन थापालाई आरो प्रमाणित गर्न खुला चुनौति दिएका छन् ।
सामाजिक सञ्जालमा एक स्टाटस लेख्दै गृहमन्त्री लामिछानेले सहकारीबाट ॠण मागेकोरलिएको प्रमाणित गर्न चुनौति दिँदै सो पाइएमा राजनीति छोडिदिने प्रतिक्रिया दिएका छन् ।
यस्तै, उनले प्रमाणित गर्न नसकेमा महामन्त्री थापालाई राजनीति छोड्न तयार हो ? भनी प्रश्न समेत गरेका छन् ।
‘किर्ते कागज र काइते तर्क दिएर गोलमटोल जवाफ दिन पाइदैन। म संसदीय छानबिनसँग र तपाइँहरुको देश डुबाउने राजनीतिसँग डराएको छैन, तर मलाई मात्र एक पटक बोल्न दिन तपाईहरु चाहिँ किन डराएको ?’ उनले प्रश्न गरेका छन् ।
यस्तै, राष्ट्रिय स्वतन्त्र पार्टी (रास्वपा)का सभापति समेत रहेका लामिछानेले आफ्ना पार्टीका नेता–कार्यकर्तालाई शिर ठाडो राख्न आग्रह गर्दै आफूले आजसम्म कसैलाई ठगि नगरेको प्रस्ट पारेका छन् ।
