काठमाडौँ । आईपीएल अन्तर्गत चेन्नई सुपर किंग्स र राजस्थान रोयल्सबीचको खेल जारी छ ।
चेन्नईको चेपौक मैदानमा जारी खेलमा राजस्थानले घरेलु टोलीलाई १४२ रनको लक्ष्य दिएको छ । टस जितेर ब्याटिङ गरेको राजस्थानले २० ओभरमा ५ विकेट गुमाएर १४१ रन जोड्यो ।
उसका लागि रियान परागले सर्वाधिक अविजित ४७ रन बनाए भने ध्रुव जुरेलले २८, यशस्वी जैसवालले २४, जोस बटलरले २१ र सन्जु सामसनले १५ रन बनाए ।
बलिङतर्फ चेन्नईका सिमरजित सिंहले ३ तथा तुषार देशपाण्डेले २ विकेट लिए । यो खेल राजस्थानले जितेमा राजस्थान प्लेअफमा पुग्नेछ भने चेन्नईले जितेमा उसले प्लेअफका लागि बलियो दाबेदारी प्रस्तुत गर्नेछ ।
