एजेन्सी । रोयल च्यालेन्जर्स बैंगलोरले आईपीएल २०२४ मा राम्रो सुरुवात नगरेको हुन सक्छ, तर यो टोली अब लयमा फर्किएको छ ।
टोलीले लगातार पाँच खेल जितेर प्लेअफको दौडमा आफूलाई जीवित राखेको छ । आरसीबीको अझै दुई खेल बाँकी छ र यी दुई खेलमा यो टोलीको भविष्य निर्भर छ । प्लेअफमा जानका लागि आरसीबीले दुवै खेल जित्नुपर्छ तर जितेर मात्रै यो टोलीलाई फाइदा हुँदैन ।
आइतबार भएको खेलमा आरसीबीले दिल्ली क्यापिटल्सलाई पराजित गरेको थियो । यो खेल आरसीबीले ४७ रनले जित्यो । आरसीबीको यो लगातार पाँचौं जित हो । यो जितपछि उसको पाँच खेलमा १३ अंक छ र अझै एक खेल खेल्न बाँकी छ ।
यदि आरसीबी प्लेअफमा जान चाहन्छ भने उसले आफ्नो बाँकी एक खेल जित्नुपर्नेछ । तर यो खेल जितेर पनि आरसीबीको प्लेअफ सिट पक्का हुने छैन । आरसीबीले अन्य टोलीहरूमा भर पर्नुपर्नेछ । आरसीबीले आफ्नो खेल जित्नुको साथै सनराइजर्स हैदरावादले आफ्ना दुवै खेल हार्ने आशा राख्नुपर्नेछ ।
यस बाहेक उसले लखनउ सुपर जायन्ट्सले आफ्ना दुई खेल हार्ने आशा पनि राख्नुपर्नेछ । हैदरावादको १२ खेलबाट १४ अंक छ । जबकि लखनउको १२ खेलमा १२ अंक छ । यदि हैदरावादले आफ्ना दुवै खेल जित्यो भने यो टोली छनोट हुनेछ ।
आरसीबीको अन्तिम खेल चेन्नई सुपर किंग्ससँग हुनेछ । यो खेल मे १८ मा हुने छ । चेन्नईको यो अन्तिम खेल पनि हो । दुवैको नेट रन रेटमा समस्या छ । यदि आरसीबीले यो खेल १८ रनले जित्छ वा १८.१ ओभरमा चेन्नईले दिएको लक्ष्य पछ्याउँछ भने आरसीबी चेन्नईको सट्टा प्लेअफमा पुग्ने छ ।
