काठमाडौं । हिजो आज एउटा माहौल छाएको छ, त्यो हो क्रिकेटको । दश बर्ष पछिको यो ऐतिहासिक क्षण हाम्रो आँगनसम्म ल्याइपुर्याउन क्रिकेट खेलाडीहरु र खेल प्रेमीहरुको ठूलो भूमिका छ ।
फर्केर हेर्न हो भने यो संघर्ष एक दशक अघि पूर्व क्रिकेट खेलाडी पारस खड्का (हाल क्यानको सेक्रेटरी र बाग्मती प्रेदेश क्रिकेट एशोसिएसनको प्रेसिडेन्ट ) को समय संघर्ष देखिको निरन्तरता देखिन्छ ।
सन् २०१४ मा पारस खड्का र उनको टिमले टि–२० वल्र्ड कप क्रिकेट खेलेका थिए । त्यो टिमको योगदानले थपिएको ईटा आजको यो टिम क्याप्टेन रोहित पौडेल लगायत टिमले फेरि टि–२० वल्र्ड कप क्रिकेट खेल्न जुराएका छन् । यो स्थानसम्म पुराउनमा यी खेलाडीहरुको मेहेनत र आत्मविश्वासले अर्को ईटा थपिरहेका छन् ।
उनीहरुको योगदान, कर्मठ भएर लागि परेको उच्च मनोबल, समय, निरन्तरता र एउटै उद्देश्य बोकेर हिडिँरहेका खेलाडीहरु आज वल्र्ड कप अर्थात् आइसीसी टि–२० वल्र्ड कप क्रिकेटको स्थानमा पुग्न सफल भएका छन् ।
यसै योगदान र संघर्षको बाटोमा हिँडिरहेका पाइलाहरुको भावलाई बुझेर केएसले एउटा गीत रचना गरेका छन् । जसमा मदन प्रधान, मनिष सिंह महर्जन, सरला श्रेष्ठ, राधा मल्ल, नगिन तिरुवा र विशाल राईको स्वरबद्ध छ भने संगीत संयोजन सुनिल शर्मा र मनिष सिंहले गर्नुभएको छ ।
हरौं यो गीत–
