काठमाडौं । एनएमबि बैंकले शेयरधनीलाई १६.२० प्रतिशत लाभांश वितरण गर्ने भएको छ । हाल बैंकको चुक्ता पूँजी १४ अर्ब ४४ करोड ७७ लाख ५२ हजार ९६६ रुपैयाँ रुपैयाँ छ ।
बैंक सञ्चालक समितिको पुस ५ गते आइतबार सम्पन्न बैठकले बैंकको गत आर्थिक वर्षको नाफाबाट शेयरधनीलाई १३ प्रतिशत बोनस शेयर र करसहित ३.२० प्रतिशत नगद लाभांश वितरण गर्ने निर्णय गरेको हो । बोनस शेयर जारी भएपछि बैंकको चुक्ता पूँजी एक अर्ब ८७ करोड ८२ लाखले बढ्नेछ ।
सञ्चालक समितिबाट प्रस्तावित लाभांश नेपाल राष्ट्र बैंकबाट स्वीकृत भई बैंकको आगामी वार्षिक साधारण सभाले पारित गरेपछि मात्र शेयरधनीले पाउनेछन् ।
