काठमाडौँ । बलिउड अभिनेता टाइगर श्राफ फिल्म गणपतको शूटिङको तयारी गरिरहेका छन् । विकास बहलले निर्देशन गरेको यस फिल्ममा उनी एक बक्सरको भूमिका निभाउदैछन् । फिल्मलाई बासु भागनानी, विकास बहल, दीपशिखा देशमुख र ज्याकी भागनानीले निर्माण गर्दैछन् ।
यस फिल्मलाई सन् २०२२ मा रिलिज गर्ने तयारी गरिएको छ । यसैबीच हालै टाइगरले सामाजिक सञ्जालमा एक भिडियो शेयर गरेका छन् । पछिल्लो समय नयाँ फिल्महरुमा व्यस्त छन् । उनी फिल्म बागी ४, हिरोपन्ती २ र गणपतमा देखिदैछन् । फिल्म हिरोपन्तीबाट बलिउडमा चर्चामा आएका टाइगरलाई एकपछि अर्को फिल्मको अफर आइरहेको छ ।
भिडियोमा टाइगरले एक रोमान्चक स्टन्ट देखाएका छन् । उनले १० फीट माथि उफ्रेर हाई ब्याक फ्लिप किक हानेका छन् । उनले गरेको यो स्टन्टको धेरैले तारिफ गरेका छन् । भिडियोको टाइगरकी आमा आयेशा श्राफ र दिशाले पनि प्रशंसा गरेकी छन् । उक्त भिडियो दर्शकले धेरै नै रुचाएका छन् ।
