काठमाडौं। प्रमुखप्रति पक्षदल नेपाली कांग्रेसको पदाधिकारी बैठक सुरु भएको छ । बैठक पार्टी केन्द्रीय कार्यालय सानेपामा केहीबेरअघि सुरू भएको हो।
बैठकमा मंगलबार राष्ट्रपति विद्यादेवी भण्डारीले जारी गरेको संवैधानिक परिषद्को अध्यादेशबारे छलफल प्रारम्भ भएको पार्टी प्रवक्ता विश्वप्रकाश शर्माले जानकारी दिए।
कांग्रेस सभापति शेरबहादुर देउवासहित पार्टीका केही नेताहरूले अध्यादेश जारी भएपछि विरोध गर्दै प्रतिक्रिया जनाइरहेका छन्। पार्टी बैठकले अध्यादेशबारे पार्टीको आधिकारिक धारणा तय गर्ने प्रवक्ता शर्माले बताए।
