काठमाडौं । राष्ट्रिय स्वतन्त्र पार्टीको भावी रणनीति तथा कार्यदिशा तय गर्नका लागि आयोजना गरिएको बन्द कार्यशाला आज सम्पन्न भएको छ ।
कार्यशालामा पार्टीको विचार, संगठन, संसदीय मामिला, अभियान, मूल्य(मान्यता र लिडरसीप एकेडेमीरक्यान्डिडेट क्लब गरी ६ विधामा छलफल गरिएको थियो ।
कार्यशालाले आगामी दिनमा पार्टीले चाल्नु पर्ने कदमहरु सुझाबका रुपमा केन्द्रीय समितिलाई दिएको छ ।
रास्वपाको दुई दिने बन्द कार्यशाला शुक्रबार र सनिबार केन्द्रीय कार्यालय (च:मति, वनस्थली) भएको थियो । पार्टीको रणनीति तयारीमा केन्द्रित कार्यशालामा केन्द्रीय पदाधिकारी, सदस्य र केन्द्रीय विभागका गरी ५० जना सहभागी रहेका थिए । कार्यशालामा विचार, संगठन, मूल्य(मान्यता, संसदीय मामिला, लिडरसिप एकेडेमी र क्यान्डिडेट क्लब तथा पार्टी अभियानबारे छलफल भएको जनाईएको छ ।
कार्यशालाले १५ बुदे सुझाब दिएको कार्यवाहक प्रवक्ता मनिष झाले जानकारी दिनुभयो ।
१. राष्ट्रिय भेला मिति २०८१ असोज ३ र ४ गते आयोजना गर्ने ।
२. राष्ट्रिय महाधिवेशन मिति २०८२ वैशाख तेश्रो सातामा गर्ने ।
३. विधान संशोधन सुझाव कार्यदलको प्रतिवेदन भदौ मसान्तभित्र तयार गरी केन्द्रीय समिति मार्फत् राष्ट्रिय भेलामा पेश गर्ने ।
४. जिल्ला संयोजक तथा उपसंयोजक र निर्वाचन क्षेत्र समितिको संलग्नतामा जिल्ला भेला मार्फत् जिल्ला तदर्थ समिति गठन गर्ने ।
५. पार्टीको अर्थ राजनीतिक (जलेश्वर) प्रस्तावनाको व्याख्या गरी पार्टीको वाचापत्र लगायत अन्य दस्तावेजका आधारमा केन्द्र, प्रदेश र जिल्लामा प्रशिक्षण गर्ने ।
६. शासकीय स्वरुपका विषयमा पार्टीभित्र व्यापक छलफल गरी संविधान संशोधन समेतको कुरालाई मध्यनजर राखी पार्टीको अवधारणा तयार गर्ने ।
७. “जन आवाज अभियान” समिति गठन गरी देश भरिको जनगुनासा तथा मुद्दाहरु संकलन गर्ने र सदनमा उठाउने, कार्यान्वयन भए नभएको अनुगमन गर्ने ।
८. विधेयक मन्थन विभागलाई संसदमा दर्ता भएका विधेयकहरुबारे आवश्यकता अनुसार प्रवासमा समेत छलफल चलाई सुझाव संकलन गर्ने ।
९. क्यान्डिडेट क्लब र लिडरसीप एकेडेमीको विधान अनुसार नियमावली र कार्यविधि भदौ मसान्तसम्म तयार गर्ने ।
१०. पार्टीलाई प्रतिनिधित्व गरेर अन्तर्राष्ट्रिय सभा, गोष्ठी आदि कार्यक्रमहरूमा जाने व्यक्तिको छनोटका लागि मापदण्ड तयार पार्ने।
११. पार्टीको आचारसंहिता र मुल्य मान्यतामा आधारित दस्तावेजहरु पुनरावलोकन गरी सदस्यहरुबाट प्राप्त सुझावहरु समेत समेटी प्रशिक्षणको सामग्रीमा समावेश गर्ने ।
१२. पार्टीको केन्द्रीय अर्थ व्यवस्थापन समिति विस्तार गरी देश विदेशमा रहेका सबैलाई जोड्न “पार्टी पिल्लर्स”को अवधारणा लागु गर्ने ।
१३. “देशका गाउँदेखि विदेशका सहरसम्म” का नेपालीसँग भेटघाट अभियानको सुरुवात गर्ने ।
१४. चरणबद्ध रुपमा स्थानीय छाँया सरकार गठनको अभ्यास थालनी गर्ने ।
१५. आगामी साता सातै प्रदेशमा यसै प्रकृतिको बन्द कार्याशाला आयोजना गर्ने र केन्द्रीय बन्द कार्यशालामा सहभागी हुनुभएका नेताहरु सहजीकरणका लागि सहभागी हुने ।
