एजेन्सी । ‘स्त्री २’ फेम अभिनेत्री श्रद्धा कपुरले इन्स्टाग्राममा प्रेमी राहुल मोदीलाई अनफलो गरेकी छिन् । यस्तो अवस्थामा श्रद्धा र राहुलको ब्रेकअप भएको खबर आएको छ ।
राहुल मात्र होइन, अभिनेत्रीले आफ्नी बहिनी, उनको प्रोडक्सन र कुकुरको पेजलाई पनि अनफलो गरेकी छिन् । तर, यसपछि पनि राहुलले श्रद्धालाई पछ्याइरहेका छन् ।
केही समयअघि श्रद्धाले आफ्नो सामाजिक सञ्जालमा तस्विर शेयर गरेकी थिइन् । यी तस्विरहरूमा उनी आर अक्षर भएको पेन्डेन्ट लगाएकी देखिएकी छिन् ।
यी तस्विरहरु बाहिर आएसँगै फ्यानहरुले उनले राहुल मोदीको नाम लेखिएको पेन्डेन्ट लगाएको अनुमान गरेका थिए ।
विगत केही दिनदेखि राहुल मोदीलाई श्रद्धाको ब्वायफ्रेन्ड भनिएको थियो । दुबै अनन्त–राधिकाको प्रि–वेडिङमा पनि सँगै देखिएका थिए ।
राहुल मोदी ‘तू झुठी मैं मक्कर’, ‘ प्यार का पंचनामा २’, ‘सोनू के टीटू की स्वीटी’ फिल्मका लेखक हुन् ।
कामको कुरा गर्ने हो भने, श्रद्धा छिट्टै फिल्म ‘स्त्री २’ मा देखिनेछिन् । कमेडी हरर फिल्ममा उनको साथमा पंकज त्रिपाठी र राजकुमार राव पनि रहनेछन् । यो फिल्म अगस्ट १५ मा रिलिज हुँदैछ ।
