चितवन । चितवनको नारायणगढ–मुग्लिन सडकखण्डमा बोलेरो जिप दुर्घटना हुँदा दुई जनाको मृत्यु र ११ जना घाइते भएका छन् । जिल्ला प्रहरी कार्यालय चितवनका अनुसार दुई जनाको घटनास्थलमै मृत्यु भएको र मृतकको परिचय खुलेको छैन् । घाइतेहरूलाई उपचारका लागि भरतपुर ल्याइँदैछ ।
ना ४ च ५०५० नम्बरको जिप आफैं अनियन्त्रित भई सडक किनारमा रहेको बिजुलीको पोलमा ठोक्किएर करेन्ट सर्ट भएको प्रहरीले जनाएको छ ।
उक्त जिप इच्छाकामना गाउँपालिका–६ जलबिरे नजिक जलबिरे–चन्डीभञ्ज्याङ ग्रामीण सडकमा चल्ने गरिएको थियो ।
