एजेन्सी । दक्षिण भारतीय अभिनेता सुरियाको फिल्म ‘कंगुवा’ तमिल सिनेमाको सबैभन्दा ठूलो र बहुप्रतिक्षित फिल्महरू मध्ये एक हो ।
चलचित्रको ट्रेलर आज रिलिज भएको छ । चलचित्रको घोषणा भएदेखि नै फ्यानहरु यसको प्रतिक्षामा थिए । यससँग सम्बन्धित अपडेटहरू पनि समय–समयमा आइरहेका छन् ।
विशेषगरी फिल्मको पहिलो झलकले मानिसको जिज्ञासा झनै बढाएको थियो ।
अब निर्माताले रोमाञ्चक ट्रेलर सार्वजनिक गरेका छन् । ट्रेलरमा बबी देओल र सुरियाको धमाकेदार एक्सन देख्न सकिन्छ ।
फिल्मको ट्रेलर युद्धबाट सुरु हुन्छ, ट्रेलरमा केही आदिवासीहरु देखिएका छन्, जो बबी देओलसँग लड्न तयार छन् । यसमा सुरिया साहसी र निर्दयी पात्रमा देखिएका छन् । यस ट्रेलरमा युद्ध र त्यसले निम्त्याएको विनाश मात्रै देख्न सकिन्छ । ट्रेलरले प्रागैतिहासिक मानव र हाम्रो भविष्य दुवैलाई सुन्दर ढंगले चित्रण गरेको छ ।
हालै, अभिनेता सुरियाले एक पोस्टर सेयर गर्दै फिल्मको प्रदर्शन मिति घोषणा गरे । यो पोस्टरमा सुरिया लाशको थुप्रोमा तरवार लिएर उभिएका छन् । पोस्टर सेयर गर्दै उनले एक्स मा लेखेका छन् कि फिल्म १० अक्टोबर २०२४ मा हलमा रिलिज हुनेछ ।
शिवा द्वारा निर्देशित फिल्ममा बबी देओल, दिशा पटानी, नटराजन सुब्रमण्यम, जगपति बाबु, योगी बाबु, राडिन किंग्सले, कोभाई सरला, आनन्दराज, रवि राघवेन्द्र र अन्य धेरै मुख्य भूमिकामा छन् ।
