मंगलसेन । अछाम जिल्लाको सदुरमुकाम मंगलसेनबाट धनगढीका लागि छुटेको बस दुर्घटना हुँदा एकजनाको मृत्यु भएको छ । सोमबार विहान मंगलसेनबाट छुटेको ना४ख ९९७२ नम्बरको बस अछाम चौरपाटी गाउँपालिका-७ मार्कुमा दुर्घटना भएको हो ।
दुर्घटनामा साँफेबगर नगरपालिका-३ का १७ वर्षीय निरज कुँवरको मृत्यु भएको छ । जिल्ला प्रहरी कार्यालय अछामका अनुसार उपचारका लागि बयालपाटा अस्पताल लैजादै गर्दा उनको बाटोमै मृत्यु भएको हो।
यस्तै दुर्घटनामा थप १७ जना घाइते भएका छन् । उनीहरू सबैको बलयपाटा अस्पतालमै उपचार भइरहेको जिल्ला प्रहरी कार्यालय अछामका प्रहरी निरीक्षक लोकन्द्र सिंह गुरुले बताए ।
यान्त्रिक खराबी हुँदा बस दुर्घटना भएको अनुमान गरिएको उनले बताए । बस सडकबाट ६० मिटर तल खसेको थियो ।
