काठमाडौं । चीनका रक्षामन्त्री तथा स्टेट काउन्सिलर वेई फेङही एक दिने भ्रमणका लागि आईतबार आउने. परराष्ट्रमन्त्रालयले औपचारिक जानकारी गराएको छ । केही घण्टाको लागि नेपाल आउन लागेका चिनियाँ राष्ट्रपति सी चिनफिङका बिश्वास पात्र वेई फेङहीले राष्ट्रपति विद्यादेवी भण्डारी , प्रधानमन्त्री तथा रक्षामन्त्री केपी शर्मा ओली र प्रधान सेनापति पूर्णचन्द्र थापा संग औपचारिक भेटघाट गर्ने कार्यक्रम रहेको छ ।
आइतवार विशेष जहाजबाट काठमाडौंमा उत्रिने रक्षामन्त्री फेङ्हेले अगिल्लो बर्ष चिनियाँ राष्ट्रपति सि चिनफिङको भ्रमणका बेला भएका सहमति तथा सम्झौताबमोजिमको कामका विषयमा वार्तामा कुरा उठाउने स्रोतले जनाएको छ । पछिल्लो समय नेकपाभित्रको आन्तरिक विवाद चरम सीमामा पुगेको छ ।
यस सयममा यी चिनियाँ उच्च अधिकारीले राष्ट्रपतिको सन्देश लिएर सिको दूतकै रुपमा आउन लागेकोले पनि यसलाई बडो चासोका साथ हेरिएको छ ।
