काठमाडौँ । इंग्लिस प्रिमियर लिग फुटबलमा टोटेनहमले जित निकालेको छ । गएराति भएको खेलमा टोटेनहमले ब्रेन्टफोर्डलाई ३–१ गोलले हराएको हो ।
घरेलु मैदानमा टोटेनहमलाई जित दिलाउन डोमिनिक सोलान्की, ब्रेनन जोनसोन र जेम्स म्याडिसनले गोल गरे । ब्रेन्टफोर्डका ब्रायन एम्बेउमोले एक गोल गरे ।
खेलको सुरुवाती मिनेटमा नै एम्बेउमोले गोल गर्दै पाहुना टोलिलाई सुरुवाती अग्रता दिलाएका थिए । ८ औं मिनेटमा सोलान्कीले गोल गर्दै टोटेनहमलाई १–१ को बराबरीमा ल्याए । त्यसपछि २८ औं मिनेटमा जोनसोन र ८५ औं मिनेटमा म्याडिसनले गोल गर्दै टोटेनहमलाई ३–१ को जित दिलाए ।
जितसँगै टोटेनहम ५ खेलबाट ७ अंकका साथ १० औं स्थानमा छ भने ब्रेन्टफोर्ड ६ अंकका साथ १२ औं स्थानमा छ ।
