काठमाडौँ । नेपाली राष्ट्रिय पुरुष फुटबल टिमले आज ताजकिस्तानसँग प्रतिस्पर्धा गर्दैछ । नेपाल र घरेलु टोली विरुद्धको मैत्रीपूर्ण खेल डुसानबेस्थित सेन्ट्रल स्टेडियममा नेपाली समय अनुसार पौने सात बजे सुरु हुनेछ ।
फिफाको नोभेम्बर विन्डो अन्तर्गत दुई अन्तर्रारष्ट्रिय मैत्रीपूर्ण खेल खेल्न नेपाली टोली मंगलबार डुसानबे पुगिसकेको छ ।
फिफा वरीयतामा ७१ स्थान माथि रहेको ताजिकिस्तानसँग नेपालले सन् २०१७ पछि पहिलो पटक खेल्न लागेको हो ।
एएफसी एसियन कप छनोटमा दुवै खेलमा नेपाल पराजित भएको थियो । यस्तै २०१६ को बंगबन्धु गोल्डकपमा पनि नेपाल ताजिकस्तानसँग पराजित भएको थियो ।
