काठमाडौं । ललितपुरको बालकुमारीस्थित एउटा घरमा मध्यरातमा आगलागी भएको छ । विजुली चुहावट भएर स्वाभिमान श्रेष्ठको घरमा आगलागी भएको हो ।
सीसीआरसी कलेजनजिक श्रेष्ठको दुई तले घरमा एक्कासी विद्युत् चुहावट भएर आगो लागेको हो ।
आगलागीबाट घरको पहिलो तलामा भोजराज भट्टले सञ्चालन गरेको ‘डगेरा फार्मेसी’ जलेर नष्ट भएको छ ।
यसैगरी आगलागीबाट श्रेष्ठको घरसँगै एउटा पान पसल र म:म पसल जलेर नष्ट भएको प्रहरीले जनाएको छ। सँगैको ‘जुम्बा डान्स सेन्टर’ पनि जलेर नष्ट भएको छ ।
आगलागीबाट भएको क्षतिको विवरण संकलन गर्ने काम जारी रहेको प्रहरीले जनाएको छ । पाँचवटा दमकलको सहयोगमा एक घण्टापछि आगो निभाइएको थियो । आगो निभाउन काठमाडौँका तीन र ललितपुरका दुईवटा दमकलका साथै प्रहरी परिचालन गरिएको थियो।
