काठमाडौँ । नेपाली सुनचाँदी बजारमा सुनको मूल्यमा भारी गिरावट आएको छ । सोमबार एकैदिन सुन तोलामा १५ हजार ९०० रुपैयाँले घटेको नेपाल सुनचाँदी व्यवसायी महासंघले जनाएको छ ।
यससँगै, सोमबार छापावाल सुनको मूल्य तोलामा १ लाख ५१ हजार ३०० रुपैयाँ कायम भएको छ । आइतबार छापावाल सुन प्रतितोला लाख १ लाख ६७ हजार २०० रुपैयाँमा कारोबार भएको थियो ।
सरकारले सुन र चाँदीमा भन्सार दर घटाउने निर्णय गरेसँगै बजारमा भारी गिरावट आएको हो । मंसिर ६ गते बसेको मन्त्रिपरिषद्को बैठकले सुन र चाँदीको भन्सार दर १० प्रतिशत कायम गर्ने निर्णय गरेको थियो । यसअघि सुनको भन्सार दर २० प्रतिशत र चाँदीको १५ प्रतिशत थियो ।
