काठमाडौं । बाराको गढीमाई मेलाबाट फर्किएको स्कार्पियो जीप दुर्घटना हुँदा ८ जनाको मृत्यु भएको छ । सिरहा फर्किन लागेको स्कार्पियो मध्यराति रौतहटको चन्द्रनिगाहपुरमा दुर्घटना भएको हो ।
नम्बर खुल्न नसकेको स्कार्पियो चन्द्रनिगाहपुर ४ स्थित पूर्वपश्चिम राजमार्गमै रुखमा ठोक्किएर दुर्घटना भएको हो । गाडीमा सवार ८ जनाको घटनास्थलमै मृत्यु भएको र अन्य केहि घाइते भएको प्रहरीले जनाएको छ ।
मृतक सबैको शव चन्द्रनिगाहपुरकै सिभिल हस्पिटलमा राखिएको छ । सबै मृतक र गाडी सिरहाको भएकाले उनीहरूका आफन्तहरू आएपछि पहिचान खुल्ने बतायएको छ ।
सिरहाको अर्नमा गाउँपालिका ३ बाट गढीमाई मेला गएको र फर्किन लागेको बेला दुर्घटनामा परेको बुझिएको छ ।
