एजन्सी । बलिउड निर्देशक तथा अभिनेता अनुराग कश्यपले हालै धेरै खुलासा गरेका छन् । उनले मुम्बई छोड्ने निर्णय गरेका छन् ।
निर्देशकले अब आफूमा फिल्म बनाउने कुनै उत्साह नरहेको बताए । उनले फिल्म उद्योगमा जोखिम कम गर्ने र रिमेक बनाउने कुरा पनि गरेका छन् ।
अनुरागले हलिउड रिपोर्टर इन्डियासँगको कुराकानीमा आफूले नयाँ केही गर्न नपाएको बताए । जसका कारण उनको फिल्म बनाउने उत्साह हराएको छ ।
यसको कारण कलाकारहरुको ट्यालेन्ट म्यानेजमेन्ट एजेन्सी रहेको उनको ठम्याइ छ, किनभने ट्यालेन्ट म्यानेजमेन्ट एजेन्सीले कलाकारहरुले अभिनयमा भन्दा पनि स्टार बन्नेतर्फ बढी ध्यान दिनु पर्ने नयाँ चलन सुरु भएको उनको भनाइ छ ।
निर्देशकले थप भने, ‘म अर्को वर्ष मुम्बई छोडेर साउथ सिफ्ट हुनेछु । म जान चाहन्छु जहाँ सबै काम गर्न उत्साहित छन् । नत्र म बूढो जस्तै जिउनेछु र मर्छु । म हाम्रो बलिउड उद्योगबाट धेरै निराश भएको छु । म उद्योगका मान्छेहरुको सोचबाट धेरै दुःखी छु ।’
