काठमाडौं । राप्रपा नेपालको केन्द्रीय कार्य समितिको बैठक आजबाट काठमाडौंमा शुरु भएको छ । पार्टीका नेता स्वर्गीय रमेश अर्यालको सम्झनामा एक मिनेट मौन धारणबाट राप्रपा नेपालको केन्द्रीय कार्य समिती बैठक शुरु भएको छ ।
बैठकमा अध्यक्ष कमल थापाले मुलुकको समसामयिक परिस्थितिको समिक्षा र पार्टीको भाबी कार्यदिशा प्रस्तुत गर्नुभएको छ । काठमाडौंको नबदुर्गा पार्टी प्यालेसमा चलिरहेको बैठकमा शासकिय स्वरुप, निर्बाचन प्रणाली लगायतका बिषयमा पार्टीको धारणा तयार गर्न गठित समितिको अन्तरिम प्रतिबेदन पाउपाध्यक्ष डा.बिष्णु भण्डारी, तराई मधेस उत्थान अभियानबारे उपाध्यक्ष धिरेन्द्र झा, संगठन बिभागको प्रतिबेदन महामन्त्री राजाराम बर्तौला, आर्थिक प्रतिबेदन कोषाध्यक्ष ज्ञानेन्द्र कार्की, सचिवालयको प्रतिबेदन सहमहामन्त्री हिक्मतजङ्ग भण्डारी , गैर सरकारी बिभागको प्रतिबेदन सहमहामन्त्री महेश्वर रोक्काले प्रस्तुत गर्नुभएको छ ।
कार्यपत्र र प्रतिबेदनमाथि धारणा राख्ने क्रम शुरु भएको छ। बैठक भोली शनिबारसम्म चल्नेछ ।
