काठमाडौँ । चीनको तिब्बत प्रान्तमा मंगलबार बिहान आएको भूकम्पमा परी ३२ जनाको मृत्यु भएको छ भने ३८ जना घाइते भएका छन् ।
चीनको सरकारी मिडिया सीसीटीभीका अनुसार यस भूकम्पको केन्द्रविन्दु तिब्बतको शिजाङमा जमिनबाट १० किलोमिटर तल थियो ।
यस भूकम्पको प्रभाव नेपाल, भुटान, सिक्किम र भारतको उत्तराखण्डमा पनि देखिएको थियो ।
नेपालमा विसं २०७२ वैशाख १२ गते सात दशमलव छ रेक्टर स्केलको गोरखा केन्द्रबिन्दु भएर भूकम्प गएको थियो । केही समयदेखि पश्चिम नेपालमा निरन्तर स–साना भूकम्प गइरहेको छ ।
