दुबई: इन्डियन प्रिमियर लिग अन्तरगत गएराति भएकाे खेलमा राजस्थान राेयल्सका राहुल तेबतीयाले राेमाञ्चक खेल देखाउँदै टिमलाई विजयी बनाएका छन् । उनले एकै ओभरमा शेल्डन कटरेलकाे बलमा ५ छक्का (६-६-६-६-०-६) हानेर सनसनी मच्चाएका थिए ।
तेबतीयाले ३१ बलमा ७ छक्काकाे मद्दतले ५३ रनकाे याेगदान दिएका थिए ।
किंग्स इलेभेन पञ्जाबले पहिले ब्याटिङ गरेर मयंक अग्रवालकाे शतक (१०६ रन) काे मद्दतले राजस्थान विरूद्ध २२३ रनकाे विशाल लक्ष प्रस्तुत गरेकाे थियाे । पञ्जाबका लागि कप्तान केएल राहुलले पनि ६९ रन बनाएका थिए ।
तुलनात्मक रूपमा राम्राे ब्याटिङ पिच रहेकाे यस खेलमा दुबै टिमबाट ब्याट्सम्यानकाे दबदबा रहेकाे थियाे ।
राजस्थानका लागि कप्तान स्टिभ स्मिथले ५० रन तथा संजु सामसनले ८५ रनकाे महत्वपूर्ण याेगदान गरेका थिए ।
एजेन्सी
