काठमाडौँ । फिल्म ‘महाराजधिराज’ को फर्स्टलुक सार्वजनिक भएको छ । निर्माण टिमले सामाजिक सञ्जालबाट पोस्टर सार्वजनिक गरेका हुन् ।
पोस्टरमा दुई पुरुष छन् । एकजना राज परिवारको पहिरनमा शीरमा श्रीपेच, हातमा राजदण्ड बोकेर उभिएका छन् भने उनको अगाडि कुर्सीमा बसेका अर्को व्यक्ति ‘न्युड’ अवस्थामा छन् ।
यी दुवै चरित्रमा देखिएका अभिनेता पल शाह हुन् । पोस्टरमा देखिएका उनको क्यारेक्टरले फिल्मको कथाबारे कौतुहलता जगाएको छ ।
फिल्म आगामी वर्ष २०८२ सालको फूलपातीमा प्रदर्शन गरिने पोस्टरमा उल्लेख छ ।
चलचित्रबारे जानकारी दिँदै पलले फेसबूकमा लेखेका छन्, ‘आजको दिन मेरो लागि विशेष छ । म मेरो एघारौं चलचित्र महाराजधिराजको पहिलो झलक सार्वजनिक गर्दैछु ।’
