काठमाडौँ । गायक तथा अभिनेता प्रकाश सपुतको फिल्म ‘वसन्त’को कविता सार्वजनिक भएको छ । मंगलबार भ्यालेन्टाइनको शुभकामनासहित ‘मिलनको कविता’ सार्वजनिक गरिएको हो ।
‘भ्यालेनटाइन डे’ विशेष कविताको भिडिओमा फिल्मका मुख्य कलाकार प्रकाश र अभिनेत्री स्वस्तिमा खड्कालाई देखाईएको छ । भिडिओमा बसन्तले कविता सुनाईरहेको देख्न सकिन्छ ।
‘वसन्त’ले यसअघि ‘साँझ पर्यो झमक्क’ बोलको गीत सार्वजनिक गरेको थियो ।
प्रकाश सपुतको निर्देशनमा बनेको फिल्म आगामी चैत्र २२ गते चैते दसैंमा रिलिज हुँदैछ । फिल्ममा प्रकाश र स्वस्तिमासँगै प्रभात पाल ठकुरी, श्री शिभान्सी, उर्मिला लाम्गादे र खड्क बहादुर पुन (खबपु), अनुप बराल, कमलमणी नेपाल, प्रकाश घिमिरे लगायत कलाकारहरूको अभिनय छ ।
गलबन्दी प्रोडक्सनको प्रस्तुतिमा बनेको फिल्मको निर्मातामा मोहन विश्वकर्मा र बिन्दु बोहोरा तथा कार्यकारी निर्मातामा अनुरोध भट्टराई, नाना थकाली र विरेन्द्र नारायण श्रेष्ठ छन् ।
