काठमाडौं । निशेधाज्ञाबीच युवाहरुले ललितपुरको पुल्चोकमा रहेको रातो मत्स्येन्द्रनाथको रथ तान्न प्रहरीले पानीको फोहोरा हानेको छ । पुल्चोकमा सयौंको संख्यामा भेला भएका स्थानीयलाई हटाउन प्रहरीले पानीको फोहोरा हानेको हो ।
अघिसम्म रथ तान्न भेला भएका स्थानीयलाई प्रहरीले तितरबितर पारेका छन्। सडकको बीचमा ठूलो संख्यामा प्रहरी उपस्थित छ। आक्रोशित भीडले प्रहरीको गाडीमाथि ढुंगा हानेका छन्। निशेधाज्ञामा सुनसान रहने पुल्चोकको बीच यति बेला तनावपूर्ण छ।
लामो समयदेखि थाती रहँदै आएको रातो मच्छिन्द्रनाथको रथलाई निषेधाज्ञाकै बीच तानिएको हो। आक्रोशित भीडले यो प्रहरी कारबाहीलाई स्थानीय जात्रापर्वमाथिको दमनका रूपमा लिएको छ।
