एजेन्सी । बलिउड अभिनेता अक्षय कुमारले सोमबार प्रयागराजमा महाकुम्भको अवसरमा संगममा स्नान गरेका छन् ।
आज महाकुम्भको ४३ औं दिन । अब कुम्भ समाप्त हुन २ दिन मात्रै बाँकी छ ।
यसैबीच, अभिनेता प्रयागराज पुगेका धेरै फोटो र भिडियोहरू सामाजिक सञ्जालमा भाइरल भइरहेको छ ।
नुहाएर पूजा गरेपछि अभिनेताले उत्तर प्रदेश सरकारको व्यवस्थापनको प्रशंसा गरे । उनले भने– ‘यस्तो राम्रो व्यवस्थापनको लागि म सीएम योगीलाई धन्यवाद दिन्छु ।’
अक्षयले कडा सुरक्षाबीच त्रिवेणी संगममा स्नान गरेका हुन् ।
यसैबीच, अभिनेत्री कटरिना कैफ पनि सोमबार प्रयागराजको महाकुम्भमा पुगेकी थिइन् । सामाजिक सञ्जालमा अभिनेत्रीका केही तस्बिर पनि सार्वजनिक भएका छन् ।
महाकुम्भमा बलिउडका धेरै कलाकार पुगे
महाकुम्भ १३ जनवरीबाट सुरु भएको थियो । यस अवधिमा धेरै बलिउड कलाकारहरू प्रयागराज पुगेका थिए । संगममा अनुपम खेर, सोनाली बेन्द्रे, मिलिन्द सोमन, रेमो डिसुजा, तमन्ना भाटिया, गुरु रन्धावा, पूनम पाण्डे, हेमा मालिनी, तनिषा मुखर्जी, निम्रत कौर लगायतका बलिउड कलाकारहरुले स्नान गरेका थिए ।
