काठमाडौँ: नेकपा माओवादी केन्द्रको हुलाकी राजमार्ग केन्द्रित तराई मधेश जागरण अभियान स्थगित भएको छ । झापाको कचनकबलबाट फागुन १२ देखि सुरु भएको जागरण अभियान शनिबार रौतहट पुगेको थियो ।
राजनीतिक अबस्था तरल हुदै गएको अबस्थामा सरकार मुकदर्शक बनेको तथा संघीय लोकतान्त्रिक गणतान्त्रिक प्रणालीविरुद्ध भइरहेका गतिविधिको प्रतिवाद गर्न एक महिने अभियान स्थगित गरिएको महासचिब देब गुरुङले न्यूजपोलारलाई जानकारी दिनुभयो ।
उहाँले भन्नुभयो “संसद्को कामकारबाहीलाई प्रभावकारी बनाउन, संघीय लोकतान्त्रिक गणतान्त्रिक प्रणालीविरुद्ध भइरहेका गतिविधिको प्रतिवाद गर्न एक महिने अभियान स्थगित गरिएको छ ,अभियानका लागि अर्को तालिका छिट्टै बनाउछौं ।”
