वीरगञ्ज । कोरोना संक्रमणबाट वीरगञ्जमा थप एक जनाको मृत्यु भएको छ । वीरगञ्ज हेल्थ केयर कोभिड अस्पतालमा उपचाररत वीरगञ्ज महानगरपालिका–१० रानीघाटका ४८ वर्षीय पुरुषको निधन भएको हो ।
नारायणी अस्पतालको आईसीयुमा उपचाररत उनलाई कोरोना संक्रमण पुष्टि भएपछि साउन ३२ गते वीरगञ्ज हेल्थ केयर अस्पतालमा ल्याइएको थियो ।
‘हिजैदेखि अवस्था सिरियस थियो, राति दुईपटक भेन्टिलेटरमा राखेर निकालेको उपचारमा संलग्न एक चिकित्सकले जानकारी दिए ।
मुटुसम्बन्धी समस्याबाट ग्रसित उनी हाइपरटेन्सन र उच्च रक्तचापबाट समेत पीडित रहेको अस्पताल स्रोतले जनाएको छ । उनको शुक्रबार दिउँसो सवा १ बजे मृत्यु भएको उपचारमा संलग्न चिकित्सकले बताए ।
