काठमाडौँ। चैत्र ८ गते शुक्रबारबाट प्रदर्शनको तयारीमा रहेको सिनेमा ‘११ः५५’ (डु नट ट्रस्ट एनिवन) निर्माण टिम यतिबेला प्रचारप्रसारमा व्यस्त छ। सिनेमाका सार्वजनिक प्रचार सामग्रीले दर्शकको विश्वास जितेकाले निर्माण टिम उत्साहित देखिन्छ।
प्रमियरमा पूर्वमिस नेपाल तथा अभिनेत्री मलिना जोशी, निर्देशक सवीर श्रेष्ठ, सुवर्ण थापा, सुवास कोइराला, अभिनेता आर्यन अधिकारी, गजित बिष्ट, जयकिशन बस्नेत, निर्देशक तथा हास्य कलाकार दीपक आचार्य (काकु), बबिन राई (गल्फने बाजे)लगायत कलाकार पुगेका थिए ।
उनीहरू ‘११ः५५’ क्राइम थ्रिलर जनरामा निर्माण भएको एउटा सुन्दर सिनेमाको रूपमा दर्शक आकर्षित गरिरहेका छन्। यो सिनेमाका प्रचार सामग्री पोस्टर, टिजर, गीत र ट्रेलरमा प्राप्त प्रतिक्रिया हेर्दा दर्शक उत्सुक रहेको बुझ्न सकिन्छ।
सिनेमाकी मुख्य अभिनेत्री सृष्टि श्रेष्ठ आफूले हरेक सिनेमामा फरक क्यारेक्टर गर्दै आएकाले ‘११ः५५’ को भूमिका पनि रुचाइनेमा आशावादी देखिइन्। उनी यो सिनेमा एक विवाहित महिलाको भूमिकामा देखिएकी छन्।
निर्देशक सुवर्ण थापाले पनि एउटा घर भित्र गजवले फिल्म सक्काएको भन्दै डेव्यु निर्देशक पाण्डेको तारिफ गरेका थिए । नेपालमा थोरै मात्रै सस्पेन्स क्राइम थ्रिलर जनरामा फिल्म बन्ने भएकाले पनि यस्ता फिल्मलाई प्रोत्साहन गर्नु पर्ने बताए ।
