काठमाडौं । पोखराको पृथ्वीनारायण (पीएन) क्याम्पसको स्ववियू निर्वाचनको मतगणना जारी रहेको छ ।
सोमबार बिहान साढे ९ बजेदेखि सुरू भएको मतगणनामा २ सय मत गणना हुँदा अनेरास्ववियुले अग्रता कायम गरेको छ ।
अनेरास्ववियुका अध्यक्ष उम्मेदवार विष्णु पोखरेलले ८७ मतसहित अग्रता लिँदा
दोस्रो स्थानमा नेविसंघका सुशील न्यौपानेले ३८ मत ल्याएका छन् । यस्तै, स्वतन्त्र उम्मेदवार विप्लवी न्यौपानेले २४ र अखिल क्रान्तिकारीका नविन अधिकारीले १७ मत पाएका छन् ।
आईतबार भएको मतदानमा प्रत्यक्षतर्फ २ हजार ८ सय ९६ र समानुपातिकतर्फ २ हजार ८ सय ९२ मत खसेको निर्वाचन समितिले जनाएको छ । ९ हजार २७० मतदाता रहेको क्याम्पसमा ३१.२५ प्रतिशत मात्र मत खसेको थियो ।
