काठमाडौं । नेपाल राष्ट्र बैंकको गभर्नर सिफारिस गर्नका लागि अर्थमन्त्री विष्णु पौडेलको संयोजकत्वमा सिफारिस समिति गठन भएको छ । आज साँझ बसेको मन्त्रिपरिषद्को बैठकले तीन सदस्यीय सिफारिस समिति गठन गरेको हो ।
सिफारिस समितिमा पूर्व गभर्नर विजय भट्टराई र अर्थविद् विश्व पौडेल रहेका छन् । एकजना मन्त्रीले दिएको जानकारी अनुसार आजको बैठकमा प्रधानमन्त्रीजीले समितिको संयोजकमा अर्थमन्त्रीलाई तोकेका र सोही बैठकबाट थप दुई जनालाई सदस्य राखिएको हो ।
गभर्नर महाप्रसाद अधिकारीको कार्यकाल चैत २४ सकिन लागेकाले सरकारले नयाँ गभर्नर नियुक्तिका लागि प्रक्रिया अगाडि बढाएको हो ।
