एजेन्सी । उत्तर प्रदेशका मुख्यमन्त्री योगी आदित्यनाथको बायोपिकको फर्स्ट लुक सार्वजनिक भएको छ ।
सिनेमेटिक्सले ‘अजेयाः द अनटोल्ड स्टोरी अफ अ योगी’ को पहिलो लुक सार्वजनिक गरेको छ ।
यो मोशन पोस्टरले योगी आदित्यनाथको परिवर्तनशील जीवनको झलक प्रदान गर्दछ, उनको आध्यात्मिक र राजनीतिक मार्गलाई आकार दिने फैसलालाई पनि दर्शाउँछ ।
फिल्मले योगी आदित्यनाथको प्रारम्भिक वर्षहरू, नाथपंथी योगी बन्ने उनको निर्णय र उत्तर प्रदेशको सामाजिक–राजनीतिक परिदृश्य परिवर्तन गर्ने नेताको रूपमा उनको विकासलाई देखाउनेछ ।
सम्राट सिनेमेटिक्सको ब्यानरमा रितु मेंगीले निर्माण गरेको फिल्मलाई रविन्द्र गौतमले निर्देशन गरेका हुन् । यो फिल्म शान्तनु गुप्ताको सर्वाधिक बिक्रित पुस्तक ‘द मोंक हु बिकम चीफ मिनिस्टर’बाट प्रेरित रहेको छ । चलचित्रमा नाटक, भावना, एक्सन र त्यागको उत्कृष्ट मिश्रण देख्न सकिनेछ ।
चलचित्रमा अनन्त जोशीले योगी आदित्यनाथको भूमिका निर्वाह गरेका छन् भने परेश रावल, दिनेश लाल यादव ‘निरहुआ’, अजय मेंगी, पवन मल्होत्रा, राजेश खट्टर र गरिमा सिंहको पनि महत्वपूर्ण भूमिका रहनेछ ।
यो फिल्म यसै वर्ष हिन्दी, तेलुगु, तमिल, कन्नड र मलायालम भाषामा रिलिज हुनेछ, यद्यपि यसको रिलिज मिति भने खुलाइएको छैन ।
