काठमाडौँ । काठमाडौँको बल्खु चोकमा राष्ट्रिय प्रजातन्त्र पार्टी (राप्रपा)को खबरदारी सभा सुरु भएको छ ।
‘जय राष्ट्रवाद’को नारा लगाउँदै खबरदारी सभा सुरु भएको हो ।
राप्रपा अध्यक्ष राजेन्द्र लिङ्देनले पृथ्वी नारायण शाहको तस्बिरमा माल्यार्पण गरेका छन् । कार्यक्रममा नेताहरू पशुपति शमशेर राणा, डा प्रकाशचन्द्र लोहनी बुद्धिमान तामाङ र ध्रुवबहादुर प्रधान, विक्रम पाण्डे लगायतका नेताहरू सहभागी रहेका छन् ।
नेपालको राष्ट्रिय झण्डा, पार्टीको झण्डा र बाजागाजासहित राप्रपा नेता कार्यकर्ताहरू कार्यक्रमस्थल पुगेका छन्
गत १५ गते तीनकुनेमा राजावादीहरूले गरेको प्रदर्शन हिंसात्मक बनेपछि बल्खु आसपासमा प्रशासनले ठुलो संख्यामा सुरक्षाकर्मी खटाएको छ । त्यस्तै राप्रपाले पनि प्रदर्शनमा घुसपैठ हुनसक्ने भन्दै स्वयंसेवकहरू तैनाथ गरेको छ ।
