काठमाडौँ । नेपाल शिक्षक महासंघद्वारा काठमाडौँ केन्द्रीत प्रदर्शन जारी छ । आन्दोलनका कारण सडक अस्तव्यस्त बनेको छ भने सवारी आवागमनमा बाधा पुगेको छ ।
शिक्षा मन्त्रालयले वार्ताका लागि आह्वान गरेपनि महासंघले आन्दोलन जारी राखेको छ । आज दशौं दिन आइपुग्दा पनि आन्दोलन जारी छ ।
यसैबीच, आन्दोलनले गर्दा एक एम्बुलेन्स पास हुन नसकेर फर्किन बाध्य भएको छ । अनामनगरमा यस्तो दृश्य देखिएको छ जहाँ एम्बुलेन्स समेत प्रभावित भएको छ ।
साइरन बजाएर अगाडि बढ्न प्रयासरत एम्बुलेन्समा रहेका विरामीसँगै रहेका आफन्तको मन कति अत्तालिएको होला ?
चैत २५ गतेदेखि देशव्यापी शैक्षिक आमहड्ताल घोषणा गरेर महासंघले आन्दोलन जारी राखेको छ । सरकार र आन्दोलनरत शिक्षकहरु वार्तामा बसेर समाधान निकाल्नु आवश्यक छ ।
