एजेन्सी । अमेरिकाको हार्वर्ड विश्वविद्यालयका प्राध्यापकहरूले राष्ट्रपति डोनाल्ड ट्रम्पको प्रशासनविरुद्ध म्यासाचुसेट्सको संघीय जिल्ला अदालतमा मुद्दा दायर गरेका छन् ।
विश्वविद्यालयको कोष रोक्ने धम्कीविरुद्ध प्राध्यापकहरूको दुई समूहले यो मुद्दा दायर गरेका हुन् । ट्रम्प प्रशासनले हार्वर्ड विश्वविद्यालयको लागि ९ अर्ब डलरको कोषको समीक्षा गर्दैछ ।
हार्वर्डका प्राध्यापकहरूले ट्रम्पको निर्णयले अमेरिकी संविधानको पहिलो संशोधनको उल्लङ्घन गरेको बताएका छन् ।
प्राध्यापकहरूले विश्वविद्यालयको कोष कटौती गर्नु अभिव्यक्ति स्वतन्त्रताको उल्लङ्घन भएको आरोप लगाएका छन् ।
अदालतमा दायर गरिएको निवेदनमा ट्रम्प प्रशासनको निर्णयमाथि रोक लगाउन पनि माग गरिएको छ ।
हालै ट्रम्प प्रशासनले हार्वर्डलाई एउटा पत्र पठाएको छ। यस पत्रमा विश्वविद्यालयलाई केही सर्तहरू पूरा गर्न भनिएको थियो । त्यसो गर्न असफल भएमा विश्वविद्यालयलाई संघीय कोष रोक्ने खतरा थियो ।
