काठमाडौँ । सरकारसँग वार्ता गर्न भनेर गएका नेपाल शिक्षक महासंघका अधिकारीहरू मन्त्रालय प्रवेश नगरी फर्किएका छन् ।
नेपाल शिक्षक महासंघका अध्यक्ष लक्ष्मी किशोर सुवेदीले विशेष कारणवश आफूहरू मन्त्रालय प्रवेश नगरी फर्किएको जानकारी दिए ।
नवनियुक्त शिक्षामन्त्रीसँग औपचारिक भेटका लागि सिंहदरबार गएको बताउदै उनले फेसबुकमा लेखेका छन्, ‘आज मिति २०८२ वैशाख १२ गते नवनियुक्त माननीय मन्त्रीज्यूसँग औपचारिक भेटका लागि हामी जाने क्रममा थियौँ । तर विशेष कारणवश आज हामी मन्त्रालय प्रवेश नगरी फर्किएको कुरा जानकारी गराउँछौँ’।
यस्तै, उनले शिक्षा, विज्ञान तथा प्रविधि मन्त्रालयबाट सार्वजनिक गरिएको २५ सदस्यीय नामावली शिक्षक महासङ्घले तयार नगरेको पनि बताएका छन् ।
यसअघि, शिक्षामन्त्री रघुजी पन्त र मन्त्रालयले दिउँसो वार्ताका लागि आव्हान गरेका थिए ।
