सुर्खेत। राउटे समुदायका एकजना प्रमुख नेता सूर्य नारायण शाहीको ४९ वर्षको उमेरमा निधन भएको छ। बराहताल गाउँपालिका–८ स्थित सोत खोलामा बसोबास गर्दै आएका शाहीको निधन गए राति साढे ९ बजे भएको हो।
शाहीको मृत्यु अत्यधिक मदिरा सेवनका कारण भएको आशंका गरिएको छ। राउटे समुदायसँग लामो समयदेखि कार्यरत शिक्षक दुर्गा खत्रीका अनुसार उनी बिरामी नभए पनि केही दिनदेखि लगातार र धेरै मात्रामा रक्सी सेवन गरिरहेका थिए। “तीन दिनअघि मात्रै एक पेटी रक्सी ल्याएर सबैले पिएको कुरा सुन्नमा आएको छ,” खत्रीले बताइन्।
सन् २०७२ को जेठ महिनामा शाही राउटे समुदायको मुखिया बनेका थिए। उनी रास्कोटी गोत्रका प्रतिनिधि थिए। राउटे परम्पराअनुसार तीनवटा गोत्र हुन्छन् र प्रत्येक गोत्रबाट एकजना मुखिया चयन गरिन्छ।
