रौतहट । पूर्वप्रधानमन्त्री तथा नेकपा एकीकृत समाजवादीका अध्यक्ष माधवकुमार नेपालले आफूले अहिलेसम्म भ्रष्टाचार नगरेको दावि गरेका छन् ।
बुधबार रौतहट पुगेका अध्यक्ष नेपालले पार्टी कार्यालयमा जिल्ला नेताहरूसँगको भेटमा आफुलाई कसैले भ्रष्टाचारी सिद्ध गर्न नसक्ने बताएका हुन् ।
आफू सधैं सुशासनको पक्षमा अडिग रहेको बताउदै उनले भने, ‘मैले आजसम्म कहिल्यै कुनै भ्रष्टाचार गरेको छैन । तर, मविरुद्ध भ्रष्टाचारको मुद्दा दर्ता भएको समाचारहरू आएका छन् । त्यसैले म अब काठमाडौं जाँदैछु,’।
अख्तियार दुरुपयोग अनुसन्धान आयोगले आज पतञ्जली योग पीठ तथा आयूर्वेद कम्पनी नेपालको जग्गा प्रकरण सम्बन्धमा नेपालविरुद्ध १८ करोड ५८ लाख ५० हजार रुपैयाँ विगो जरिवाना र सजाय मागदाबी सहित भ्रष्टाचार मुद्दा दायर गरेको छ ।
