एजेन्सी । अक्षय कुमारको फिल्म ‘हाउसफुल ५’ले रिलिज भएको दुई दिनमा भारतीय बक्स अफिसमा ५६ करोड रुपैयाँ कमाएको छ ।
निर्माताहरूले सेयर गरेको जानकारी अनुसार, फिल्मले शनिबार ३२.३८ करोड रुपैयाँ कमाएको थियो भने पहिलो दिन अर्थात् शुक्रबार २४.३५ करोड रुपैयाँको व्यापार गरेको थियो ।
मास्क लगाएर फिल्मको समीक्षा गर्न पुगे अक्षय कुमार
फिल्मले दर्शकबाट राम्रो प्रतिक्रिया पाइरहेको छ ।
यसैबीच, अक्षय कुमार आफैं मास्क लगाएर आम मानिसहरूमाझ पुगे । यस क्रममा उनी थिएटर बाहिर उभिए र दर्शकहरूलाई फिल्म कस्तो लाग्यो भनेर जान्न खोजे ।
फिल्म सकिएपछि र मानिसहरू थिएटरबाट बाहिर निस्कने बित्तिकै, अक्षयले उनीहरूसँग फिल्मको समीक्षा मागे । रोचक कुरा के छ भने, मास्क लगाएका कारण कसैले पनि उनलाई चिन्न सकेनन् ।
