काठमाडौँ । अमेरिकाबाट डिपोर्ट भएर ३७ जना काठमाडौं आएका छन् ।
तीमध्ये एक जना डाइभर्सिटी भिसा (डिभी)मा त्यहाँ गएको व्यक्ति रहेको खुलेको छ ।
अध्यागमन विभाग स्रोतका अनुसार १० वर्षअघि डिभी परेर गएका ती व्यक्ति अमेरिकाको टेक्सास राज्यमा बस्दै आएका थिए ।
एक जना आफन्तसँग बसिरहेका उनी त्यहाँ पारिवारिक विवादमा परेपछि उनलाई प्रहरीले पक्राउ गरेर लगेको थियो ।
अनुसन्धान र कानुनी प्रक्रियापछि उनलाई अमेरिकी प्रशासनले डिपोर्ट गर्ने निर्णय गरेको थियो ।
अमेरिकाबाट डिपोर्ट भएर आइतबार ३७ जना काठमाडौं आएका थिए । तीमध्ये ५ जना महिला छन् ।
