काठमाडौं । नेपालको जनसंख्या तीन करोड नाघेको छ । शुक्रबार मध्यान्ह केन्द्रीय तथ्यांक विभागको जनसंख्या घडीमा नेपालको जनसंख्या ३ करोड ६ सय ३४ देखाइएको छ ।
वैज्ञानिक आधारमा गरिएको प्रक्षेपणमा तीन करोड नाघेको विभागका महानिर्देशक नेविनलाल श्रेष्ठले जानकारी दिएका छन् । यो घडी २०६८ को जनगणनाको आधारमा सेट गरिएको हो । घडीले जन्मदर, मृत्युदर र बसाईसराई दरको आधारमा जनसंख्या देखाउँछ ।
२०६८ सालको जनगणना अनुसार नेपालको जनसंख्या २ करोड ६४ लाख ५४ हजार ५०४ थियो । १२ औं राष्ट्रिय जनगणना २०७८ असारमा हुँदैछ ।
