मुम्बई । बलिउड अभिनेत्री कंगना रनावतले सामाजिक सञ्जालमा गरेको एउटा पोष्टले फेरी बलिउडमा हंगामा भएको छ । उनले बलिउडमा परिवारवाद हावी भएको र केही परिवारको कब्जामा पुरै बलिउड भएका कारण अभिनेता सुशान्त सिंह राजपूतले आफ्नो जिवन त्याग गरेको भन्दै गहिरो अनुसन्धानको माग राखेकी थिइन् ।
उनको भिडियो सन्देश पछि बलिउडमा अहिले परिवारवादको वहस चर्को रुपमा उठेको छ । बुवा आमा निर्देशक भएका कारण फिल्ममा अवसर पाएका अभिनेता र अभिनेत्रीहरुको फिल्म वहिष्कार अभियान सामाजिक सञ्जालमा बढ्न थालेको छ । सामाजिक सञ्जालमा पनि उनीहरुका फलोअर्स घटेका छन् । कतिले सामाजिक सञ्जाल चलाउन बन्द गरिदिएका छन् । अहिले फेरी उनले एउटा पोष्ट गरेकी छन् जसले बलिउडमा अर्को भुइचालो आएको छ ।
उनको यो पोष्ट पछि नातावाद र परिवारवादको यो मुद्दा अब यत्तिकै रोकिने अवस्थामा नपुग्ने देखिएको छ । दर्शकले लगातार सलमान खान, शाहरुख खान, करण जोहरजस्ता सेलिब्रेटीको विरोध गरिरहेका छन् । बलिउड अभिनेत्री कंगना रनावतले पनि खुलेर विरोध जनाएकी छिन् ।
हालै कंगनाले केही नायिकाहरुका पुराना तस्वीर शेयर गर्दै ‘फिल्म माफिया’ भन्दै लेखेकी छन् । जसका कारण अन्य राम्रा कलाकारले अवसर नपाएको उनको भनाई छ ।
