काठमाण्डौ । बुधबार नेपाली बजारमा सुनको मूल्य सामान्य बढेको छ ।
मंगलबार छापावाल सुन प्रतिताेला ९० हजार ६ सय रुपैयाँमा कारोबार भएकामा बुधबार छापावाल सुन प्रतितोला ५०० रुपैयाँ बढेर ९१ हजार १०० रुपैयाँमा कारोबार भैरहेको नेपाल सुनचाँदी व्यवसायी महासंघले जनाएको छ ।
त्यस्तै तेजाबी सुन प्रतिताेला रू.९० हजार ६६५ मा काराेबार भइरहेकाे छ । मंगलबार तेजाबी सुनकाे भाउ प्रतिताेला रू. ९० हजार १६० थियाे ।
आज चाँदी तोलाको ९ सय ४५ रुपैयाँ कायम भएको छ । महासंघका अनुसार कोरोना सङ्क्रमणको जोखिमपछि लकडाउन र भाउ बढेका कारण सुनचाँदीको कारोबार लगभग ठप्प जस्तै छ ।
आम्दानी घटेकाले पनि सुन किन्नेभन्दा बेच्न खोज्नेहरु बढेका व्यवसायीको भनाई छ ।
