नेपाली कांग्रेसका सांसदहरु अंगीकृत नागरिकताका विषयमा मण्डलेवादी राष्ट्रवाद भन्दै राष्ट्रियशभाको बैठकमा सरकारको चर्को आलोचन गरिरहेका बेला समाजिक संञ्जालमा भने नेपाली कांग्रेसका प्रभावशाली नेताहरु भने पक्ष बिपक्षीमा जुहारी खेल्दै थिए । नयाँ राजनीतिक नक्साका बारेमा सरकारको साथमा रहेको अभिब्यक्ति दिएर चर्चामा आउनु भएका केन्द्रिय सदस्य मिनेन्द्र रिजालले ५८ वर्ष अघिदेखि कायम रहेको नागरिकता ऐन संविधान विपरीत हुनेगरी सामान्य बहुमतले संसोधन गराउने कम्यूनिष्ट पार्टीको निर्णयले गलत नजिर स्थापित गर्ने भन्दै समाजिक संञ्जालमा आक्रोश पोख्नु भयो ।
उहाले लेख्नुभयो- ''भविष्यमा यसले नागरिकता ऐनलाई समर्थनको शर्त र सरकार परिवर्तनसँगै फेरिने ऐन बनाउँछ। देशकालागी यो अहितकारी बाटो हो, बेलैमा होस पुर्याऔ । '' डा .रिजालका टुईटलाई काउन्टर दिदै अर्का प्रभावशाली केन्द्रिय सदस्य धनराज गुरुङ्गले भने- ''भारतीय पुरुषसँग बिहे गरेर जाने नेपाली चेलीले भारतीय नागरिकताका लागि ७ वर्ष कुर्नु पर्दा नेपाल–भारत संबन्ध नबिग्रिने तर नेपाली पुरुषसँग बिहे गरेर आउने बिदेशी बुहारीका लागि नेपाली नागरिकता प्राप्त गर्न ७ वर्षे प्राब्धानले नेपाल–भारतको संबन्ध बिग्रने ? हाँस्यास्पद तर्क नगरौं।'' भन्दै टुईट गर्नुभयो । यी दुईवटा भनाई प्रतिनिधी भनाई मात्र हुन ।
नागरिकताको बिषयमा नेपाली काग्रेस संसदिय दल र केन्द्रिय समितिले एकै खालको निर्णय गर्न नसक्दा पार्टीका नेताहरुले आ–आफनो तवरबाट धारणाहरु सार्बजनिक गर्दे आईरहेका छन् । जसका कारण काग्रेसका कार्यकर्ताहरु अन्योलमा रहेका छन् ।
