काठमाडौं । राष्ट्रियसभा सदस्य अनिता देवकोटाले सशस्त्र द्वन्दकालमा राखिएका बमहरु खोजेर डिस्पोजल गर्न सरकारसँग आग्रह गर्नुभयो ।
रोल्पामा बैशाख १८ गते बम विस्फोटबाट ४ जना बालबालिको निधन भएको स्मरण गराउँदै उहाँले यस्तो आग्रह गर्नुभएको हो । तत्कालि नेकपा माओवादीले सशस्त्र विद्रोहका बेला लुकाएका बमहरु पड्केर जनता त्रसित भएको भन्दै उहाँले तत्काल खोजीकार्य गरी डिस्पोजल गर्न आग्रह गर्नुभयो ।
उहाँले भन्नुभयो, ‘‘लुकाइ छिपाइ राखेका हातहतियार अहिले पनि पड्किने र जनताहरु त्रसित हुने क्रम अहिलेसम्म रोकिएको छैन् । अहिले माओवादी सरकारमा छ । सशस्त्र द्वन्दको नेतृत्वकर्ता अहिले गृहमन्त्री हुनुहुन्छ । तसर्थ ज्ञानका आधारमा जानकारीका आधारमा कुन कुन ठाउँमा बमहरु लुकाइएको छ खोजी गरी डिस्पोजल गर्न आगह गर्न चाहान्छु ।’’
